ជនសង្ស័យចំនួន០២នាក់ពាក់ព័ន្ធក្នុងករណី គប់កញ្ចក់រថយន្ត ត្រូវបានកម្លាំងរាជអាវុធហត្ថខេត្តកំពង់ឆ្នាំងឃាត់ខ្លួន !!!

ជនសង្ស័យចំនួន០២នាក់ពាក់ព័ន្ធក្នុងករណី គប់កញ្ចក់រថយន្ត ត្រូវបានកម្លាំងរាជអាវុធហត្ថខេត្តកំពង់ឆ្នាំងឃាត់ខ្លួន !!!

ចេញផ្សាយ:ថ្ងៃទី២៧ ខែកក្កដា ឆ្នាំ២០២១

ដោយ: គេហទំព័រ ខេមបូឌាស្តាដេលីញូយ៍

ខេត្តកំពង់ឆ្នាំង ៖ វេលាម៉ោង ៩និង៣០នាទីព្រឹក កម្លាំងការិយាល័យព្រហ្មទណ្ឌកងរាជអាវុធហត្ត ខេត្តចំនួន ៣នាក់ ប្រើប្រាស់រថយន្ដចំនួន ២គ្រឿង ដឹកនាំដោយលោក ប៊ុត ធឿន នាយការិយាល័យព្រហ្មទណ្ឌ បានចុះសហការជាមួយកម្លាំងកងរាជអាវុធហត្តស្រុករលាប្អៀរ សរុបចំនួន ៧នាក់ ដោយបានការអនុញ្ញាតពីលោក សាក់ សារ៉ាង មេបញ្ជាការកងរាជអាវុធហត្ថខេត្តកំពង់ឆ្នាំង និងមានការសម្របសម្រួលពីលោក ព្រះរាជអាជ្ញាអមសាលាដំបូងខេត្តកំពង់ឆ្នាំង។

យោងតាមបទល្មើសជាក់ស្ដែង បានធ្វើការឃាត់ខ្លួនជនសង្ស័យចំនួន ០២នាក់ ពាក់ព័ន្ធក្នុងករណី ធ្វើឲ្យខូចខាតដោយចេតនា (គប់កញ្ចក់រថយន្ដ) កាលពីថ្ងៃទី២៥ ខែកក្កដា ឆ្នាំ២០២១ វេលាម៉ោង ១០និង១៥នាទី នៅចំណុចស្ថានីយ៍ថ្លឹងរថយន្ដ ស្ថិតនៅភូមិគោកស្ដៅ ឃុំទឹកហូតស្រុករលាប្អៀរ ខេត្តកំពង់ឆ្នាំង មានឈ្មោះដូចខាងក្រោម៖

១-ឈ្មោះ សំអាត ម៉ាលីពុទ្ធានី ភេទប្រុស អាយុ ១៧ឆ្នាំ មុខរបរសិស្ស រស់នៅភូមិត្បែង ឃុំអណ្តូងស្នាយ ស្រុករលាប្អៀរ ខេត្តកំពង់ឆ្នាំង។

២-ឈ្មោះ ជា ចាន់រឹទ្ធ ភេទប្រុស អាយុ ១៧ឆ្នាំ រស់នៅភូមិប៉ាហ៊ី ឃុំអណ្ដូងស្នាយ ស្រុករលាប្អៀរ ខេត្តកំពង់ឆ្នាំង។

_ វត្តុតាងរួមមាន៖

១-ម៉ូតូចំនួន០១គ្រឿង ម៉ាក ZOOMER ពាក់ស្លាកលេខពោធិ៍សាត់1E-7662 ពណ៌បៃតង។

២-ទូរស័ព្ទដៃចំនួន ២គ្រឿង។

បច្ចុប្បន្ន ជនសង្ស័យទាំង២នាក់រួម និងវត្ថុតាង ត្រូវបានកម្លាំងការិយាល័យជំនាញកំពុងកសាងសំណុំរឿងបញ្ជូនបន្តទៅតុលាការខេត្ត ដើម្បីចាត់ការតាមនីតិវិធី ៕