លោក ប៉ក់ ណារ៉ូន នាំយកអំណោយសប្បុរសជនទៅចែកជូនបងប្អូនកម្មករ កម្មការិនីរោងចក្រ ដែលកំពុងស្ថិតនៅតំបន់បិទខ្ទប់ ក្នុងសង្កាត់ចោមចៅទី១ ខណ្ឌពោធិ៍សែនជ័យរាជធានីភ្នំពេញ !!!
ចេញផ្សាយដោយ៖ គេហទំព័រ ខេមបូឌាស្តាដេលីញូយ៍
ភ្នំពេញៈ រសៀលថ្ងៃទី០៣ ខែឧសភា ឆ្នាំ២០២១
លោក ប៉ក់ ណារ៉ូន សមាជិកក្រុមលេខាសម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បាននាំយកអំណោយរបស់សប្បុរសជនតាមរយៈ ឯកឧត្តម ដួង តារា រដ្ឋលេខាធិការ នៃទីស្តីការគណៈរដ្ឋមន្ត្រី ដើម្បីចែកជូនដល់បងប្អូនប្រជាពលរដ្ឋ និងកម្មករ កម្មការិនីរោងចក្រ ដែលកំពុងស្ថិតនៅតំបន់បិទខ្ទប់ ក្នុងភូមិសាស្រ្ត សង្កាត់ចោមចៅទី១ ខណ្ឌពោធិ៍សែនជ័យ រាជធានីភ្នំពេញ ។
លោក ប៉ក់ ណារ៉ូន បានលើកឡើងថា អំណោយដ៏ថ្លៃថ្លាទាំងអស់នេះ ជាអំណោយរបស់សប្បុរសជនតាមរយៈ ឯកឧត្តម ដួង តារា រដ្ឋលេខាធិការ នៃទីស្តីការគណៈរដ្ឋមន្ត្រី សម្រាប់ចែកជូនបងប្អូនប្រជាពលរដ្ឋ និងកម្មករ កម្មការិនីរោងចក្រចំនួន៤០គ្រួសារ ដោយក្នុងមួយគ្រួសារ ទទួលបាន ៖ មី១កេស ត្រីខមួយយួរ និងអង្ករ១ ស្មើនឹង២៥ គីឡូក្រាម ផងដែរ ។
លោក ប៉ក់ ណារ៉ូន សូមបងប្អូនប្រជាពលរដ្ឋ កម្មករ កម្មការិនី ដែលស្ថិតក្នុងតំបន់បិទខ្ទប់ខាងលើ ទោះក្នុងកាលៈទេសៈណាក៏ដោយ ប្រមុខថ្នាក់ដឹកនាំ អាជ្ញាធរមូលដ្ឋាន ជាពិសេសសម្តេចតេជោ នៅតែបន្តគិតគូនូវជីវភាពរស់នៅប្រចាំថ្ងៃរបស់បងប្អូនប្រជាពលរដ្ឋ កម្មករ កម្មការិនី ទាំងអស់។ ដូច្នេះសូមបងប្អូន កុំមានការព្រួយបារម្ភថ្នាក់ដឹកនាំ ដាច់ខាត មិនទុកឲ្យបងប្អូនប្រជាពលរដ្ឋណាម្នាក់ ស្លាប់ដោយការអត់អាហារនោះទេ ។
ជាមួយគ្នានោះផងដែរ លោក ប៉ក់ ណារ៉ូន ក៏បានអំពាវនាវដល់បងប្អូនប្រជាពលរដ្ឋ ដែលរស់នៅក្នុងភូមិសាស្ត្ររាជធានីភ្នំពេញ ទាំងអស់ ចូលរួមអនុវត្តនូវវិធានការ ៣ការពារ និង៣កុំ តាមការអនុសាសន៍សម្តេចតេជោ ហ៊ុន សែន និងចូលរួម អនុវត្តនូវសេចក្ដីសម្រេច របស់ រាជរដ្ឋាភិបាល ដែលបានចេញសេចក្ដីសម្រេច បិទខ្ទប់ ភូមិសាស្ត្ររាជធានីភ្នំពេញ និងក្រុងតាខ្មៅ ប្រសិនបើគ្មានការចាំបាច់ទេ សូមបងប្អូនកុំចាកចេញពីផ្ទះ ៕
