នៅព្រឹកថ្ងៃទី២២ ខែកញ្ញា ឆ្នាំ២០២៤ តាងនាមឱ្យស្ថានឯកអគ្គរាជទូតកម្ពុជា ប្រចាំប្រទេសជប៉ុន លោក សុខ ធា អគ្គទីប្រឹក្សា មន្ត្រី និងបុគ្គលិកស្ថានទូត បានចូលរួមជាមួយបងប្អូនខ្មែរនៅជប៉ុន ក្នុងការធ្វេីជាអ្នកផ្តេីមបុណ្យក្នុងបិណ្ឌទី៥របស់វត្តបារមីគិរីខេមរាភ្នំបិតាធំ នៅខេត្តកាណាហ្កាវ៉ា ប្រទេសជប៉ុន។
ពិធីកាន់បិណ្ឌនេះ មានការចូលរួមពីសំណាក់បងប្អូនខ្មែរដែលកំពុងរស់នៅ ធ្វេីការ និងសិក្សានៅក្នុងប្រទេសជប៉ុនជាច្រេីន ក្នុងការប្រគេនចង្ហាន់ និងគ្រឿងឧបភោគបរិភោគដល់ព្រះសង្ឃ ព្រមទាំងបង្សុកូលឧទ្ទិសផលបុណ្យជូនដល់សាច់ញាតិដែលបានចែកឋាន ស្របតាមពិធីសាសនាខ្មែរ។ ក្នុងឱកាសនោះ ក៏មានការជួបជុំទទួលទានអាហារសាមគ្គី ការច្រៀង និងរាំលេងកម្សាន្តក្នុងបរិយាកាសសប្បាយរីករាយ និងភាពក្តីស្និទ្ធស្នាល។ដោយ៖Bayon Radio
