ខេត្តសៀមរាប ៖ នៅថ្ងៃទី១៩ ខែឧសភា ឆ្នាំ២០២៣ អនុវត្តតាមការចង្អុលបង្ហាញរបស់ឯកឧត្តម នាយឧត្តមសេនីយ៍ ហ៊ុន ម៉ាណែត អគ្គមេបញ្ជាការរង នៃកងយោធពលខេមរភូមិន្ទ មេបញ្ជាការកងទ័ពជើងគោក ឯកឧត្តម ឧត្តមសេនីយ៍ទោ ឈរ សុខ នាយនាយសេនាធិការរងកងទ័ពជើងគោក មេបញ្ជាការកងពលតូចដឹកជញ្ជូនលេខ៩០ បានដាក់បទបញ្ជាជូន លោកវរសេនីយ៍ឯក សួន ស៊ីថា មេបញ្ជាការរងកងពលដឹកជញ្ជូនលេខ៩០ បន្តដឹកនាំបញ្ជាផ្ទាល់លើរថយន្តចំនួន២៦គ្រឿង និងកម្លាំងចំនួន ៣០នាក់ បំពេញបេសកកម្ម ជួយដឹកជញ្ជូនសម្ភារៈប្រជាពលរដ្ឋដែលស្ម័គ្រចិត្តផ្លាស់ប្ដូរទីលំនៅពីតំបន់អភិរក្សប្រាសាទអង្គរ ទៅតាំងទីលំនៅតំបន់អភិវឌ្ឍតេជោ រុនតែឯក និងពាក់ស្នែង ដែលស្ថិតនៅក្នុងខេត្តសៀមរាប កងកម្លាំងទាំងអស់បានយកចិត្តទុកដាក់បំពេញនៅតួនាទី និងភារកិច្ចរបស់ខ្លួនលើការងារដឹកជញ្ជូនប្រកបដោយសុវត្ថិភាព ដើម្បីសម្រេចផែនការជូនអង្គភាព៕
