មនុស្សយ៉ាងតិច៦នាក់បានស្លាប់ បន្ទាប់ពីភ្លៀងធ្លាក់យ៉ាងគំហុក បង្កឱ្យមានការបំផ្លិចបំផ្លាញនៅក្នុងសាធារណរដ្ឋដូមីនីកែន កាលពីថ្ងៃសុក្រ តំបន់មួយចំនួននៃរដ្ឋធានី Santo Domingo បានឃើញភ្លៀងធ្លាក់ជាមធ្យមប្រចាំខែពីរដងក្នុងមួយថ្ងៃ មន្ត្រីឧតុនិយមបានឲ្យដឹងថា ខណៈដែលគេបានដឹងពីភ្លៀងធ្លាក់ខ្លាំងជិតមកដល់ ស្រាប់តែមានការភ្ញាក់ផ្អើលយ៉ាងខ្លាំង ដោយសារតែមានភ្លៀងធ្លាក់ខ្លាំងមួយរំពេច ការបង្ហូរទឹកមិនបានល្អមានន័យថាទឹកបានកកកុញយ៉ាងលឿនដែលប្រែក្លាយផ្លូវទៅជាទឹកហូរលឿន នាយកការិយាល័យអាកាសធាតុ Gloria Ceballos បាននិយាយថា នៅតំបន់ខ្លះនៃទីក្រុង Santo Domingo ភ្លៀងធ្លាក់ 232mm (9.1in) ក្នុងរយៈពេលត្រឹមតែប៉ុន្មានម៉ោងប៉ុណ្ណោះ ដែលជាការប៉ាន់ស្មានពីរដងនៃខែនេះ។
មនុស្សមួយចំនួននៅតែបាត់ខ្លួន ក្នុងចំណោមអ្នកស្លាប់ទាំង៦នាក់ មាន២នាក់លង់ទឹក ស្លាប់២នាក់ឆ្លងចរន្តអគ្គិសនី និង២នាក់ទៀតបាក់ជញ្ជាំង ផ្ទះរាប់រយខ្នងបានរងការខូចខាត ហើយវិស័យកសិកម្មក៏រងការប៉ះពាល់យ៉ាងខ្លាំងដែរប្រធានាធិបតី Luis Abinader បាននិយាយថា ការប៉ាន់ប្រមាណនៃការខូចខាតនឹងត្រូវបានចេញផ្សាយនៅថ្ងៃអង្គារ លោកបានបន្ថែមថា ការបង្ហូរទឹកមិនល្អបានរួមបញ្ចូលការជន់លិចក្នុងរាជធានី៖ «វាជាបញ្ហាដែលបន្តកើនឡើង ទីក្រុង និងតំបន់ Santo Domingo កាន់តែធំឡើងដោយគ្មានប្រព័ន្ធលូពិតប្រាកដ»៕
