ភ្នំពេញ ថ្ងៃទី០៦ ខែឧសភា ឆ្នាំ២០២៣ សម្ដេចក្រឡាហោម ស ខេង ឧបនាយករដ្ឋមន្រ្តី រដ្ឋមន្រ្តីក្រសួងមហាផ្ទៃ បានបន្ដណែនាំដល់ប្រជាពលរដ្ឋខ្មែររស់នៅតាមបន្ទាត់ព្រំដែន មិនត្រូវជួលដីធ្លីឱ្យបរទេស ដើម្បីបញ្ចៀសកុំឱ្យមានភាពស្មុគស្មាញ និងបញ្ហាប្រឈមនានា ការណែនាំរបស់សម្ដេចក្រឡាហោមបែបនេះ ក្នុងពិធីសម្ពោធដាក់ឱ្យប្រើប្រាស់ជាផ្លូវការនូវអគាររដ្ឋបាលសាលាខេត្តព្រៃវែង និងរោងតម្កល់ទូក ង វែងជាងគេលើពិភពលោក កាលពីថ្ងៃទី០៥ ខែឧសភា ឆ្នាំ២០២៣។សម្ដេចក្រឡាហោម ស ខេង បានថ្លែងថា៖ «សូមណែនាំឱ្យអាជ្ញាធរគ្រប់លំដាប់ថ្នាក់ ព្រមទាំងប្រជាពលរដ្ឋរស់នៅតាមខ្សែបន្ទាត់ព្រំដែន មិនត្រូវឱ្យមានជាដាច់ខាតការជួលដីទៅឱ្យប្រជាជននៃប្រទេសជាប់ព្រំដែន ដើម្បីបញ្ចៀសកុំឱ្យមានភាពស្មុគស្មាញ និងបញ្ហាប្រឈមនានាពាក់ព័ន្ធការកំណត់ព្រំដែន ពិសេសកិច្ចការពារបូរណភាពទឹកដីដែលជាភារកិច្ចស្នូលបំផុតរបស់ពួកយើងទាំងអស់គ្នា មិនថាថ្នាក់ដឹកនាំ មន្ត្រី ឬប្រជាពលរដ្ឋនោះឡើយ»។ សម្ដេចក្រឡាហោមបានផ្ដាំផ្ញើដល់ថ្នាក់ដឹកនាំ និងមន្ដ្រីរាជការស៊ីវិល នៃសាលាខេត្តព្រៃវែងគ្រប់លំដាប់ថ្នាក់ទាំងអស់ ត្រូវបន្តខិតខំរៀនសូត្រ ក្នុងការបង្កើនចំណេះដឹង និងពង្រឹងសមត្ថភាពដើម្បី ប្រសិទ្ធភាពការងារឱ្យបានតាមទិសស្លោក «ធ្វើឱ្យបាន ធ្វើឱ្យលឿន និងមានតម្លាភាព» ក្នុងការផ្តល់សេវាសាធារណៈជូនប្រជាពលរដ្ឋ និងការយកចិត្តទុកដាក់ដោះស្រាយរាល់បញ្ហា សំណូមពរ និងខិតខំកាត់បន្ថយការថ្នាំងថ្នាក់របស់ពលរដ្ឋ។ជាមួយគ្នានេះ សម្ដេចក្រឡាហោមក៏បានស្នើថ្នាក់ដឹកនាំ និងមន្ត្រីគ្រប់លំដាប់ថ្នាក់ ត្រូវបន្តលើកកម្ពស់ប្រសិទ្ធភាព និងគុណភាពក្នុងការផ្តល់សេវាសាធារណៈគ្រប់ប្រភេទ ជាពិសេសសេវារដ្ឋបាលដើម្បីទទួលបានជំនឿទុកចិត្ត និងការពេញចិត្តពីប្រជាពលរដ្ឋ។ ទន្ទឹមនេះ អាជ្ញាធរត្រូវបន្តបង្ការ ទប់ស្កាត់ និងបង្ក្រាបរាល់បទល្មើស លួច ឆក់ ប្លន់ ល្បែងស៊ីសង ខុសច្បាប់ និងបទល្មើសគ្រប់ប្រភេទ ដើម្បីធានាសុវត្ថិភាពជូនប្រជាពលរដ្ឋ និងបន្តយកចិត្តទុកដាក់ខ្ពស់ និងអនុវត្តឱ្យបានម៉ឺងម៉ាត់ចំពោះការបង្ការ ទប់ស្កាត់ បង្ក្រាប បទល្មើសគ្រឿងញៀន ព្រមទាំងអនុវត្តន៍ឱ្យមានប្រសិទ្ធភាពនូវគោលនយោបាយ ភូមិ ឃុំ សង្កាត់ មានសុវត្ថិភាព៕ដោយ៖ ចាន់ សុធីវង្ស
You might like
សហរដ្ឋអាម៉េរិក និងកម្ពុជា រៀបចំកិច្ចសន្ទនារវាងរដ្ឋនិងឯកជន ដើម្បីថែទាំវិនិយោគិនអាមេរិកមានស្រាប់ និងផ្តល់សញ្ញាណវិជ្ជមានសម្រាប់វិនិយោគិនថ្មី !!!
20/09/2024
4 Likes
42
ក្រសួងធនធានទឹក៖ចាប់ពីថ្ងៃទី១៩ដល់ថ្ងៃ២៣ខែកញ្ញានេះកម្ពុជារងឥទ្ធិពលព្យុះស៊ូលីកពីសមុទ្រចិនខាងត្បូងបណ្តាលឱ្យមានភ្លៀងធ្លាក់ពីមធ្យមទៅច្រើនគ្របដណ្តប់ស្ទើរទូទាំងប្រទេស !!!
19/09/2024
4 Likes
68
មនុស្សជាង ៥ម៉ឺននាក់ នៅខេត្តបន្ទាយមានជ័យទទួលស្វាគមន៍ និងជូនដំណើរប្រតិភូ Gumball 3000 Rally in Cambodia !!!
18/09/2024
2 Likes
64
ឯកឧត្តមអភិសន្តិបណ្ឌិត ស សុខា ៖ ការអប់រំបណ្តុះបណ្តាលបង្កើនចំណេះដឹង និងការពង្រឹងសមត្ថភាពវិជ្ជាជីវៈ ត្រូវតែធ្វើគ្មានទីបញ្ចប់ !!!
17/09/2024
4 Likes
87